SHARE

ಹಾವೇರಿ: ತಾಲೂಕಿನ ತೋಟದ ಯಲ್ಲಾಪುರದ ಬಳಿ ಕೆಎಸ್‌ಆರ್‌ಟಿಸಿ ಬಸ್‌ ಮತ್ತು ಬೈಕ್‌ ನಡುವೆ ಭಾನುವಾರ ನಡೆದ ಅಪಘಾತದಲ್ಲಿ ಮೃತಪಟ್ಟ ಬ್ಯಾಡಗಿಯ ಶಿಕ್ಷ ಕ ಫೈಸಲ್‌ಲಿ ಕೋಲಕಾರ ಸಾವಿನ ಸಂದರ್ಭದಲ್ಲೂ ಹನಿ ನೀರನ್ನು ಕುಡಿಯದೇ ರೋಜಾ ಪಾಲನೆ ಮಾಡುವ ಮೂಲಕ ತಮ್ಮ ಧಾರ್ಮಿಕ ವಿಧಿ ವಿಧಾನಗಳಿಗೆ ನಿಷ್ಠೆ ತೋರಿದ್ದಾರೆ.

ಬಡ ಹಾಗೂ ಅನಕ್ಷರಸ್ಥ ಕುಟುಂಬದ ಹಿನ್ನೆಲೆಯಲ್ಲಿಯೇ ಉತ್ತಮ ಸಾಧನೆ ಮಾಡಿ ಶಿಕ್ಷಕನಾಗಿದ್ದ ಫೈಸಲ್‌ ಅಧಿಕಾರಿಗಳು, ಶಿಕ್ಷಕವೃಂದ ಹಾಗೂ ಮಕ್ಕಳ ಪಾಲಿಗೆ ಪ್ರೀತಿಯ ಶಿಕ್ಷ ಕರಾಗಿದ್ದರು. ಇವರ ಸಾವು ಕುಟುಂಬ ಸೇರಿದಂತೆ ಎಲ್ಲರನ್ನೂ ಕಣ್ಣೀರು ಮಿಡಿಯುವಂತೆ ಮಾಡಿದೆ.

ಹಾವೇರಿಯಲ್ಲಿ ತರಬೇತಿ ಮುಗಿಸಿಕೊಂಡು ವಾಪಸ್‌ ಮನೆಗೆ ಬರುತ್ತಿದ್ದ ವೇಳೆ ಎದುರಿನಿಂದ ಬಂದ ಬಸ್‌ ಡಿಕ್ಕಿ ಹೊಡೆದ ರಭಸಕ್ಕೆ ನೆಲಕ್ಕೆ ಬಿದ್ದ ಫೈಸಲ್‌ ಅವರ ಕಿವಿ, ಮೂಗು, ಬಾಯಿ, ಸೇರಿದಂತೆ ತಲೆಯಲ್ಲಿ ತೀವ್ರ ರಕ್ತಸ್ರಾವ ಆರಂಭವಾಗಿದೆ. ಆಗ ಬಸ್ಸಿನಲ್ಲಿದ್ದವರು ನೀರು ಕುಡಿಸಲು ಪ್ರಯತ್ನಿಸಿದ್ದಾರೆ. ಇಂತಹ ಸಂದಿಗ್ಧ ಸ್ಥಿತಿಯಲ್ಲೂ ಅವರ ಬಾಯಲ್ಲಿ ಬಂದಿದ್ದು ಒಂದೇ ಮಾತು ”ನಾನು ರೋಜಾ ಇದ್ದೇನೆ, ಸಂಜೆ ನಮಾಜ್‌ ಮಾಡದೇ ಹನಿ ನೀರೂ ಸಹ ಕುಡಿಯುವುದಿಲ್ಲ. ಯಾರೂ ನೀರು ಕುಡಿಸಬೇಡಿ” ಎಂದು ಮನವಿ ಮಾಡಿಕೊಂಡಿದ್ದಾಗಿ ಪ್ರತ್ಯಕ್ಷ ದರ್ಶಿಗಳು ತಿಳಿಸಿದ್ದಾರೆ.

ಸಾವಿನ ಸಂದರ್ಭದಲ್ಲೂ ಫೈಸಲ್‌ಲಿ ರೋಜಾ ಪಾಲನೆ ಮಾಡಿದ್ದು ಬಸ್ಸಿನಲ್ಲಿದ್ದವರ ಕಣ್ಣಾಲಿಗಳನ್ನು ಒದ್ದೆ ಮಾಡಿತ್ತಲ್ಲದೇ ಅಲ್ಲಿದ್ದವರ ಪ್ರಶಂಸೆಗೆ ಕಾರಣವಾಗಿತ್ತು